前港姐「偷食人夫」雪足半年,《踩過界2》有得留低

前港姐朱智賢(Ashley)畀爆背著謝東閔搭上有婦之夫黎振燁之後,雖然獲得男友謝東閔護航,但形象依然係直插谷底、事業急凍,包括《東張西望》主持工作亦都畀煞停。

據悉TVB一直有觀察外界對朱智賢嘅反應,以決定佢「解封」,但等咗三個月又三個月,朱智賢依然復工無期,唯有做gym同埋睇書勉勵自己。

雖然有關朱智賢嘅復工日期TVB未有定案,但佢有份演出嘅新劇《踩過界2》未有畀刪走,睇嚟TVB未有趕盡殺絕,朱智賢雪足半年,終於見曙光!

雪藏到而家日子難過,朱智賢一直擔憂前途,但據知男友謝東閔喺呢段時間送上無比關懷,幫助佢行出陰霾,令到閉門思過嘅佢重新振作。

呢日朱智賢決定善用時間助人自助,較早前趁住中秋同一班志同道合嘅義工到屋邨「洗樓」派月餅同物資,為獨居長者同低收入家庭送上關懷。

Like MisshkNews Facebook!不出门也能知天下事~

發佈回覆

你的電郵地址並不會被公開。