前港姐李施嬅（Selena）喺2003年參選香港小姐獲得「最上鏡小姐」同「才藝小姐」兩項殊榮，雖然最後五強不入落選港姐，但卻順利加入TVB展開其演藝生涯。
李施嬅入行17年嚟拍攝過無數部劇集，除咗演技備受贊賞之外，凍齡樣貌亦令人驚嘆。
呢排李施嬅喺社交平台曬出一張童年舊相，見到佢坐喺車頭，腳踩滑輪，對住鏡頭甜笑超得意！唔少網民都留言激贊李施嬅天生麗質，愈大愈靚！
原來呢張珍貴嘅童年舊相，係李施嬅老竇發比佢，佢留言話：「張相係老竇Send畀我，我諗佢應該掛住我啦，唔知呢對溜冰鞋喺唔喺度呢？」
唔理點樣，都係希望李施嬅喺之後嘅事業上可以有所成就，非常期待《金宵大廈2》早日出街，更加期待李施嬅嘅強勢回歸！
Like MisshkNews Facebook！不出门也能知天下事～
