前港姐再戴后冠出席活動感覺Amazing:呢個系幾多錢都唔賣嘅寶物

前港姐季軍朱千雪較早時出席big big channel活動,佢透露與小朋友拍攝而戴住后冠,問到有幾耐未戴過?佢話:“選完之后冇戴過后冠。(戴番有咩感覺?)戴番覺得自己好后生,一戴起就覺得好凝重,因為系一件幾多錢都唔會賣嘅寶物。”

今次千雪與一班Little Miss Hong Kong合作,原來佢同港姐早有淵源:「其實我1995年曾經做過Little Miss Hong Kong,有機會同當屆港姐一齊亮相,當時有一班佳麗同一班小朋友,依家見到呢班小朋友,都希望廿年后會有人同我講番‘當年系朱千雪拖我出嚟’!”

朱千雪系1988年出生,佢曾經移居加拿大,擁有八級鋼琴水平嘅佢喺畢業之后就返香港穩工,任職兩年行政助理之后就決定參加2012年度香港小姐競選。而呢屆港姐就系首次以全港市民一人一票選出嘅賽制進行,不過喺決賽嗰晚,因為投票系統服務器發生問題導致朱千雪失落寶座,最終贏得咗季軍嘅名次。

深得網民喜歡嘅佢都畀封為“民選港姐”,獲得TVB賞識嘅佢未卸任便已經喺TVB46周年臺慶劇《On Call 36小時》中擔任重要角色“向芊兒”,隨后參演嘅劇集都擔任重要角色。

譬如《再戰聽日》、《以和為貴》、《拆局專家》、《鐵馬戰車》、《警犬巴打》、《EU開超時任務》、《流氓皇帝》、《踩過界》等。而佢憑借《踩過界》中嘅“戴天恩”一角而獲得咗《星和無線電視大獎2017》“我最喜愛TVB電視女角色獎”。

希望朱千雪接落來可以帶來更多精彩的作品。

本文轉載於東網
本站負責轉載以及潤色本文
如有侵權,請聯繫刪除

Like MisshkNews Facebook!不出门也能知天下事~

發佈回覆

你的電郵地址並不會被公開。