前港姐再曬婚照，隔空貼文向老公示愛！

前港姐陳凱琳（Grace）同「TVB視帝」鄭嘉穎喺前年8月於峇里島舉行浪漫婚禮，佢哋正式拉埋天窗，舊年2月陳凱琳火速生落仔仔鄭承悅。

本月頭陳凱琳、鄭嘉穎兩公婆再喺社交平臺宣佈細佬Yannick出世，結婚短短兩年就已經兩年抱兩。尋日陳凱琳就曬出咗一張婚照，慶祝同老公結婚兩週年！

陳凱琳仲留言話：「每日瞓醒都會覺得，有你喺身邊真係好幸運。」唔少圈中好友包括陳山聰、黃嘉樂、龔嘉欣、陳敏之、楊秀惠、譚凱琪等人都有留言送上祝福！