前港姐升呢做師姐,同視帝男友明年結婚?

前港姐張寶兒(Boanne)尋晚為TVB慈善節目《善心滿載仁愛堂》錄影,佢喺接受采訪嘅時候透露有份主持嘅《學是學非》準備開拍第七季。


到時準備會有新「是非精」成員加入,張寶兒與麥美恩、馮盈盈等部分舊「是非精」會繼續留低,準備要升呢做師姐嘅張寶兒,透露新一季嘅《學是學非》冇份參與拍攝,因為呢個角色由師妹頂上。

張寶兒預告《學是學非》會去泰國、臺灣取景,但因為佢要主持《姊妹淘》,所以唔可以去臺灣參與拍攝。記者問到去泰國拍攝嗰陣,會唔會著泳衣上陣?張寶兒表示「是非精」有專用泳衣,好似校服噉樣。

張寶兒同袁偉豪拍拖兩年,兩個人經歷咗風風雨雨,所謂患難見真情,兩個人仲認定對方係終生伴侶。

較早時有報道指袁偉豪明年娶張寶兒過門,婚禮打算喺歐洲舉行,袁偉豪接受采訪冇否認,仲話結婚之後會修心養性,希望早日聽到佢哋好消息!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *