前港姐喺《金宵大廈》造型搶鏡,現實竟然係闊太

由陳山聰、李施嬅、高海寧、張曦雯等人主演嘅新劇《金宵大廈》喺尋晚(16日)首播,首集出街之後反應熱烈,唔少網民都大贊劇集充滿懸疑氣氛,值得追睇。

而首集出場嘅角色,除咗陳山聰同埋李施嬅兩位主角之外,飾演“一樓一”嘅張韋怡(GoGo),就憑住“春麗”造型成功搶鏡!
張韋怡喺劇中飾演“一樓一”,一出場就以“春麗”嘅性感造型令人留低深刻印象,佢喺接受訪問嘅時候,更加透露呢套衫原來係“私伙”。

2年前圣誕節同朋友開Party,玩Cosplay Po完FB之後畀監制睇啱,試完公司造型後覺得我私伙都幾啱,覺得幾好玩。

雖然張韋怡喺劇集多數飾演配角,但現實中佢係名副其實嘅幸福少奶奶,嫁富商老公後,兩人育有一個仔仔Ashton。

張韋怡一家人住喺九龍塘樓高十層嘅獨立屋,室內更加有電梯方便上落,全屋有7間房,只係室內面積就已經有8000幾呎,相當有氣派!

其實張韋怡自從2007年競選香港小姐入行到而家有12年,佢話:“我本人一直都係寓工作於娛樂,享受做戲就係因為可以不斷嘗試,同突破日常生活中冇可能發生的嘅事”。

唔理點樣,梗係希望張韋怡可以繼續畀我哋帶嚟多啲更精彩噶演出,期待佢嘅表演,加油加油!

發表回覆

你的電郵地址並不會被公開。 必要欄位標記為 *