前港姐大肚搭港鐵冇人讓座,嬲爆發「讓座論」反擊網友

前港姐張名雅佗緊第二胎,雖然粗身大勢,但不時都會一個人出街,早幾日佢就搭港鐵,不過佢喺社交網話冇人讓座:「個肚籮咁大都系冇人會讓位,有人落車我先有得坐。」豈料引起線民熱論,尋晚佢就喺社交網發表「讓座論」回應!

佢話:「敬老扶弱對我來講系基本亦希望盛傳給下一代,好多人有心人會選擇讓座(而你讓座人哋拒絕你又系另一回事),但有小部分人見到老人家、小朋友或大肚婆真系會擰開望第二邊,時運高睇你唔到,我真系見過!」佢又話好多網友私訊佢有類似經歷,感同身受嘅佢表示「見到人哋可能有需要但你冇選擇讓座,系唔可以話你錯,因為你絕對有權繼續坐到落車先起身」,最後佢就話如果需要嘅人系你親友或者自己,感受會唔會唔同?

佢仲上載咗張喺港鐵站嘅自拍,就話有小部分人留言問佢點解有車唔摣,鐘意去搭港鐵,又有人問佢點解大肚都要搭,「藝人點解唔用司機或者搭的士」?似乎有啲激氣嘅佢,就話:「我又想講,點解唔可以搭捷運(港鐵)?作為港人好想出句聲,讓座給有需要嘅人不是必然,讓座是一種美德,是內涵同個人修養。」

另外,佢仲上載咗張同囝囝瞓覺相,見佢身穿黑色小背心,微露事業線,似乎心情唔錯。

Like MisshkNews Facebook!不出门也能知天下事~

發佈回覆

你的電郵地址並不會被公開。