前港姐大騷泳衣相,攬住視帝老公相當溫馨

前港姐陳茵媺(Aimee)同視帝老公陳豪,呢排一家五口去泰國蘇梅島旅行,連日嚟陳茵媺喺社交平台曬多張靚相,一家人仲齊齊以家庭裝上陣,相當溫馨。

不過,原來陳茵媺一直等機會同老公單獨合照,呢日佢哋就“撇甩”仔女,攬到實一實一齊合照,并曬到社交平台同大家開心分享,陳茵媺冧爆留言好開心終于兩公婆自拍。

此外,陳茵媺亦曬出泳裝相,見到佢以黑色蕾絲一件頭泳衣上陣,騷胸兼曬白滑長腿!

據悉,陳茵媺出世于加拿大多倫多,2006年佢因為參加香港小姐競選而入行,當年喺大賽中,佢勇奪冠軍同「國際親善小姐」兩個獎項殊榮,人氣持續高企。

之後,陳茵媺順利簽約TVB旗下出道,冇幾耐就開始獲得TVB重視予以力捧,上位成為新晉花旦。

2014年陳茵媺正式宣佈淡出娛樂圈,之後佢就開始全職湊仔,次年7月,佢亦正式與TVB約滿離巢,結束咗長達9年嘅賓主關係。

雖然,陳茵媺曾經喺事業巔峰期選擇急流勇退,喺好多人眼裡都覺得可惜,但而家睇嚟,佢擁有一個幸福美滿嘅家庭,祝福陳茵媺一家五口永遠幸福快樂,祝福!

發表回覆

你的電郵地址並不會被公開。 必要欄位標記為 *