前港姐嫁大20歲富豪，而家曬近照唔似47歲

現年47歲嘅1997年香港小姐冠軍翁嘉穗雖然已經退出娛樂圈好耐，但佢依然好活躍，唔單止擔任「慧妍雅集」會長為慈善出心，出力，更經常喺社交平臺交代更新動態。

呢日，翁嘉穗就曬出一張自己喺銅鑼灣某商場拍攝嘅靚相，更留言話：「So pretty！（I mean the set up）」大讚場景布置得好靚。

當然，相中最靚嘅始終係翁嘉穗本人，坐喺圈圈凳上嘅佢，唔單止皮膚白到反光，更打扮得好僆妹，你話得20歲都有人信，好難想像佢已經係兩個細路嘅媽咪。

當年嘅港姐冠軍翁嘉穗，除咗攞到冠軍之外，仲攞咗「東方美態大獎」、「都會魅力大獎」同「最上鏡小姐」合計四個獎項，成為當年嘅大贏家。

雖然當時有好多人高呼造假，話翁嘉穗只係憑住TVB高層何麗全出口力讚先可以勝出，不過喺之后嘅國際華裔小姐、環球小姐比賽都可以獲得第五同第二，先平息咗民怨。

而獲得港姐亞軍同國際親善小姐嘅李明慧，除咗喺選美方面輸畀咗翁嘉穗，連愛情都要輸畀呢個宿敵。

想當李明慧喺卸任港姐之后就單方面公布同富商鄔友正嘅婚事，點知又畀鄔友正否認，并而帶住正印女友翁嘉穗出現，即刻震驚全港。

事后，李明慧以淚洗面嘅同時，大鬧翁嘉穗橫刀奪愛，結果翁嘉穗成功同鄔友正結婚，并育有兩子，李明慧只得到咗130萬分手費，之后更加遠走美國。

好在2003年李明慧喺美國嫁已故教育家陳樹渠兒子陳耀陽，兼夾生咗一對龍鳳胎，過住幸福闊太生活。