前港姐家姐虐貓,大晒靚相重新出發

前港姐黃嘉雯因為家姐Yuki涉嫌虐貓一事,家姐更被捕交待案情,而黃嘉雯慘變「出氣袋」,成網民攻擊對象。之后佢索性關閉社交網站留言功能,以平息民憤。

黃嘉雯「潛水」有1個幾月,呢日卒之蒲頭曬靚相,仲話:「勉勵自己,希望重新出發,重新獲得粉絲支持。」

黃嘉雯仲曬自己嘅工作、生活、運動相、再加學唱歌,跟住又揾嚟同屆港姐王菲、陳熙蕊行街食飯,睇嚟佢已經行出陰霾,繼續增值裝備自己!

講到黃嘉雯,佢除咗外表與身材完美之外,佢仲有住高學歷,種種條件應該係會受廣大商戶嘅歡迎。

但可能因為現時疫情關係,導致佢呢段時間都冇乜嘢做。

好在黃嘉雯家底相當紮實,家住市值半億豪宅,兼夾外籍男友仲係數碼公司高層,所以就算黃嘉雯唔做嘢都係可以過得無憂無慮。

唔理點樣,都係希望黃嘉雯喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。