前港姐黃嘉雯幾經辛苦上個月終於圓夢加入劇組，有工開嘅佢原本以為今年開咗個好頭，點知日前就有網民踢爆黃嘉雯家姐Yuki疑似曬出虐貓短片。
短片一出，即刻引嚟網上各大動物組織嘅關注，曬片嘅黃嘉雯家姐Yuki更被喪鬧虐畜之外，事后更被捕稍後交待案情！
條片女主人聲稱貓咪自己跳入洗衣機，但點知女主人就話愛貓隨處小便，所以要順勢懲罰佢，繼而開啟洗衣機兼閂埋洗衣機蓋，受驚嘅貓咪想逃離，情況非常危險！
開機大概14秒之后，女主人先慢慢咁打開洗衣機蓋，嚇到貓咪即刻跳出，片段終結。而女主人更加喺限時動態中寫上「受驚的小肥妹」仲襯上三個小醜笑臉。
有網民即刻起底女主人，雖然女主人帳號為私人帳號，但仲有網民發現女主人疑似係前港姐黃嘉雯家姐Yuki，更加搵到當年女主人發文叫網民投票支持黃嘉雯競選港姐嘅活動。
事后記者聯繫黃嘉雯，佢承認家姐Yuki係有隻喵叫肥妹，問到佢知唔知家姐將隻貓放入洗衣機？黃嘉雯話：「我都係啱啱先知道呢件事，不過佢呢次咁做的確唔啱，但我相信佢唔會再有呢啲事情發生。」
Like MisshkNews Facebook！不出门也能知天下事～
