前港姐彩排期間胃痛,痛到上擔架床

日前,前港姐陳庭欣為節目《香港唱好演唱會》彩排,而今次佢將會同其他藝人一齊合唱汪明荃嘅首本名曲《萬水千山總是情》,突然間陳庭欣覺得身體不適,胃痛得好犀利,雖然食咗胃藥但未唔見效。

見情況唔啱,陳庭欣似乎越嚟越嚴重,最後保安人員就出動擔架床將佢送去休息室休息,見到陳庭欣揞住肚腩,顯得好辛苦。佢仲有氣無力嘅講到:“未試過胃痛得咁犀利,今朝都有食早餐。”

休息一輪之後,陳庭欣接受訪問時就表示:自己喺度做頭發嗰陣就已經覺得不適,連同事都睇到佢面青口唇白。

見到陳庭欣一身“黑白配”,相當有特色,佢就自嘲:“外形就有型啦,內里就一啲型都冇!繼早兩日滑水嗰陣撞到眼角後,錄影呢天又胃痛。”

1987年出世嘅陳庭欣,同大多數藝人一樣都係選美出身,曾經參加過2010年港姐競選嘅佢狀態大勇,更加一舉奪得咗冠軍寶座。

選美結束之後,陳庭欣就進入到TVB,開始發展其演藝事業,備受公司重用嘅佢,更加喺多部劇集中擔任重要角色,畀觀眾留低咗深刻嘅印象。

比如《法網狙擊》、《單戀雙城》、《鐵馬戰車》、《致命複活》、《踩過界》、《全職沒女》、《公公出宮》、《平安穀之詭穀傳說》、《宮心計2深宮計》、《兄弟》、《機動部隊2019》等。

據悉,喺跟住落嚟嘅新劇《多功能老婆》中陳庭欣同樣有份演出,唔知到時佢又會畀我哋帶嚟點精彩噶演出呢?希望佢喺搏命做野嘅同時,能夠好好照顧自己身體,祝福!

發表回覆

你的電郵地址並不會被公開。 必要欄位標記為 *