前港姐從茄喱啡做到女主角,而家仲成為視帝女友

前港姐湯洛雯同「TVB視帝」馬國明秘密拍拖兩個月,呢日馬國明畀記者影到甜蜜去湯洛雯閨房,事後佢哋社交網站同步發布訊息認愛,消息一出全城轟動大家都替佢哋開心,催佢哋快啲拉埋天窗生B。

2012年參選港姐入行嘅湯洛雯,其實佢同馬國明舊愛黃心穎關係密切,仲係圈中好友,都係同屆港姐。

不過黃心穎最後進入咗港姐三甲,而湯洛雯就落選港姐止步六強,星二代出道嘅湯洛雯其實可以透過老竇同阿叔嘅關係發展自己嘅星途,但佢選擇靠自己。

舊年,湯洛雯更獲安排頂替黃心穎出演TVB重頭劇《法證先鋒IV》中嘅記者一角,呢幾年湯洛雯喺TVB都係演出多多,係TVB力捧小花之一。

呢次,馬國明真係遇上好女仔,希望馬國明同汤洛雯可以長久發展,話曬佢哋都係以結婚為目的相戀。

Like MisshkNews Facebook!不出门也能知天下事~

發佈回覆

你的電郵地址並不會被公開。