前港姐復工無期繼續雪藏,唯有睇書勉勵自己

前港姐朱智賢畀傳媒踢爆「偷食人夫」黎振燁而形象破產,雖然有指佢唔會畀TVB雪藏,就畀罰停工兩個禮拜就可以復工,但宜家停工期滿仲未見到朱智賢復出。

有指朱智賢曾經忍唔住去問公司高層,但高層都唔知幾時先可以畀佢開工,目前監制開新劇或者節目都唔敢用佢,因為驚佢會為節目或者劇集帶嚟反效果。

今日有消息指TVB高層為咗保護朱智賢,所以決定延長雪藏佢嘅日期,可能等2、3個月之後,單嘢變淡之後先安排佢復工。

雖然復工無期,朱智賢唯有靠上網去打發時間,為咗證明偷食單嘢未有令觀眾反感,朱智賢更頻頻發功,佢經常喺社交平臺發限時動態曬近況,日前先曬出同狗狗一齊做運動照之外,仲表示自己呢排專注睇書。

今日朱智賢更先曬臺灣著名兩性作家女王嘅《你比你想的更加勇敢》,封面上印有「生命的裂痕中,為自己盛開。勇氣,是人生唯一必須的配備!」,睇嚟佢係為自己打氣。

至於男朋友謝東閔,自從單嘢曝光之後,除咗發文點名黎振燁講大話之外,已經好耐未有曬出同朱智賢嘅合照,多次更新社交平臺都未有提到佢哋目前嘅關係。

謝東閔呢排主要曬出爬山以及做運動嘅相,至於朱智賢有冇同行,相信只有佢哋先知道,而謝東閔呢排更得TVB力捧,接拍咗兩部新劇,分別就係《七公主》同《刑事侦缉档案V》,大家千祈唔好錯過。

Like MisshkNews Facebook!不出门也能知天下事~

發佈回覆

你的電郵地址並不會被公開。