前港姐性感現身不輸之外模,透露準備拍古裝劇《燕云臺》

前港姐佘詩曼與泳衣品牌合作,設計10幾款泳衣推出市面,佢現身銅鑼灣出席發布會,受訪時佢表示:“本來想設計童裝泳衣,事關我有十幾個契仔契女,佢哋可以一齊行騷。”

阿佘話螢幕上最後一次以泳裝示人,就系拍攝劇集《無名天使3D》,問到佢系咪好抗拒錫士?佢話:“唔抗拒嘅,健康錫士系可以,自己都貪得意,喺泳池邊影咗幾張泳衣相。

(郭羨妮、佘詩曼同楊思琦拍攝《無名天使3D》)

(贊助今年港姐佳麗?)其實呢個牌子以往都有同港姐合作過,今年亦有接觸,不過因為港姐今年主題未定,會繼續聯絡,如果贊助到嘅話,可能我會興奮到上臺,講開都勾起唔少當年回憶。”

阿佘身形好似清減唔少,佢打趣道:“因為呢排好辛苦,而家同唐嫣開拍古裝劇《燕云臺》,拍攝多三個月先收工,今次要拍打戲之余,每日服飾三層厚,真係好熱,開工令我諗起拍攝《延禧攻略》嘅時候。”

據悉,《燕云臺》由蔣家駿執導,唐嫣、竇驍、佘詩曼、經超主演,呢部劇根據蔣勝男同名小說改編,將視線瞄準大遼前中期嘅恢弘歷史,講述咗鐵血紅顏,遼宮雄後蕭燕燕嘅傳奇一生!

 

發表回覆

你的電郵地址並不會被公開。 必要欄位標記為 *