前港姐感觸發文，網民留言催快啲結婚

前港姐湯洛雯日前喺社交平臺曬出咗一張睇櫻花嘅舊相，仲感觸發文話：「因為你永遠唔知道下一分鐘會發生乜事，所以更加應該活得充實，珍惜眼前人。」

網民睇完湯洛雯帖文之后，更即時留言：「快啲嫁，珍惜幸福，珍惜身邊嘅人。」叫湯洛雯早啲同馬國明拉埋天窗。

講到湯洛雯同馬國明，其實佢哋自從認愛以來，佢哋表現得相當甜蜜，更已經到達同居試婚階段，男方幾乎長駐女友喺紅磡嘅香閨。

而馬國明亦甚得未來外父湯鎮宗歡心，湯洛雯亦好識做，孝順未來老爺奶奶，一早已經融入馬家，馬湯兩家家長早就開綠燈，就差一對主角「認頭」。

另外馬國明為咗珍惜時間同湯洛雯拍拖，而缺席今年「鐵馬家族」拜年，更被大批網民紛紛留言叫馬國明快啲帶女友湯洛雯見一班兄弟姊妹。

唔理點樣，宜家見到湯洛雯同馬國明咁幸福，真係替佢哋開心，祝福佢哋可以早日再傳出好消息，拉埋天窗。