前港姐抱BB大曬母愛,網友批評應該戴口罩

前港姐黃心穎舊年四月份因為同許志安發生「安心偷食」賠上事業,佢有份主演嘅多部劇集受到牽連,不過TVB最終將佢主演嘅劇集陸續出街,疑似清倉處理。

《堅離地愛堅離地》安排海外播出,《牛下女高音》仲獲解封成為安排喺舊年臺慶劇播出,《丫鬟大聯盟》較早前已經播完,剩低嘅《法證先鋒4》就由湯洛雯頂替補拍出演。

黃心穎自從發生「安心偷食」潛水到美國近八個月,上月高調返香港,近段時間佢頻頻喺社交平台更新狀態,疑似為復出試水溫。

今日黃心穎再喺社交平臺分享攬住BB嘅相大曬母愛,睇到佢一臉陶醉,同BB一齊瞇住雙眼,唔通啱啱過咗31歲生日,人變得定性咗?

黃心穎仲留言話:「喺呢個睇落有啲瘋狂嘅世界中,多謝你為家庭帶嚟喜悅同愛,大家都要身體健康。」,不過有網友就指黃心穎冇戴口罩攬住BB好危險,叫佢應該要好防護,因為小朋友畀感染會好麻煩嘅!

發表回覆

你的電郵地址並不會被公開。