「TVB視帝」馬國明今年6月份畀記者斷正同前港姐湯洛雯（靚湯）拍拖，半年嚟仲經常上女朋友香閨，實行半同居試婚！
有傳馬國明向湯洛雯求婚成功，兼今年拉埋天窗嘅佢哋，呢排又畀記者影到去視察位於馬鞍山嘅新婚愛巢，傳聞甚囂塵上！
日前，湯洛雯喺社交平臺留言話：「2021快樂！既然你哋咁想，如果，我係話如果呀吓，佢今年冧莊（視帝），就結啦?」。
有網民問湯洛雯：「我cap咗圖㗎喇，拉票出蠱惑定為結婚先？」「馬國明一定攞硬最佳男主角，2021靚湯結硬婚！」、「期待你穿婚紗的照片！」，仲紛紛恭喜定佢，叫佢唔好走數呀！ 
Like MisshkNews Facebook！不出门也能知天下事～
