前港姐拍新劇被偷名牌包包,信用卡遭盜刷五萬蚊

尋日,前港姐莊思明喺旺角拍攝TVB新劇《超能使者》嘅嗰陣,將價值1.5萬蚊嘅手袋擺喺劇組嘅小巴入面,當莊思明拍完劇之後,竟然發現手袋不翼而飛。

而且警察到場初步調查,發現有人盜用莊思明嘅信用卡,而且賊人喺旺角區多間鋪頭同網上買嘢,涉款共約5.7萬蚊,冇幾耐警方火速就喺旺角區內拘捕一名37歲黃氏男子同38歲楊氏女子。

莊思明接受媒體採訪嗰陣,稱小巴有車長看守,陌生人好難上車偷嘢,所以佢都想知點解會發生呢件事,佢話由於已經報警同致電銀行將信用卡凍結,加埋銀行知道信用卡畀盜用,所以無須繳款。

莊思明坦言平日拍外景都會將隨身物品擺喺劇組嘅小巴內,冇諗過會發生呢啲事,佢慨嘆∶「以後只帶個人去開工,下次拍劇乜都唔帶。」

事後記者採訪莊思明家姐(莊思敏),佢話∶「尋晚都係冇搵返手袋,我哋拍外景時,都會將隨身物品擺喺車內,正常得TVB員工先可以上車,但呢兩名疑犯唔係公司同事,我哋都唔知當中發生咗乜嘢事。我平日拍外景時,多數會將手袋交畀助手,如果自己開車去拍攝場地,就會將隨身物品擺喺自己嘅車內。」

莊思敏笑言:「會叫莊思明以後唔好再帶名牌袋開工,將隨身物品放入膠袋就算啦,而家佢就損失咗個手袋,被盜用嘅信用卡款項唔使負責。」

Like MisshkNews Facebook!不出门也能知天下事~

發佈回覆

你的電郵地址並不會被公開。