因為新冠狀肺炎疫情仲未好轉，政府4月21日宣佈繼續延長限聚令，今年唔少藝人都唔可以聚集慶祝，而就今日生日嘅前港姐王君馨，尋晚得到咗「處女黨」茍蕓慧、李亞男嘅到場慶祝生日。
雖然未見鐘嘉欣同岑麗香嘅身影，不過王君馨亦都喺社交平臺上喊話兩人，稱希望五人可以再次合體。
另外王君馨得到咗好姊妹茍蕓慧親手做嘅甜品蛋糕，一直鐘意甜品嘅茍蕓慧較早前仲特登深造學習咗一番，單睇賣相嘅話，呢個送畀王君馨嘅朱古力蛋糕，的確可以同出面蛋糕店媲美。
王君馨仲留言提到「處女黨」成員已經有十年感情，雖然而家大家都結婚生子，亦各有各忙，但係感情依然好好。
喺尋晚嘅慶祝宴上，雖然見唔到王君馨老公嘅合照，但亦有網友猜測：為三位女神影相嘅就係佢老公，都有網友表示王君馨會同老公生日當日放閃。
講到王君馨，原來佢對上一部TVB劇集已經係一年前嘅警匪劇《鐵探》，其有份演出已殺青嘅新劇《唐人街》同《失憶二十四小時》今年內有望播出。
現年33歲嘅王君馨喺2007年參選香港小姐，奪得亞軍同獲得友誼小姐好成績而進入娛樂圈。
次年，王君馨就獲TVB力捧，參加《舞動奇跡2》同俞灝明拍乸跳舞奪得冠軍，兩人更因此成為好朋友。
之後王君馨獲TVB力捧開始拍攝電視劇，期間拍攝過《MY盛lady》、《飛虎2》、《公公出宮》、《心理追兇》等劇集。
唔理點樣，王君馨正處于自己事業發展嘅黃金時期，都係希望王君馨喺之後嘅事業上可以有所成就，期待佢嘅表演，同埋祝王君馨生日快樂！
Like MisshkNews Facebook！不出门也能知天下事～
