前港姐揸車翻工遇車禍，社交平臺報平安

前港姐陳庭欣（Toby）日前揸車返工嗰陣，唔好彩遇上交通意外，其座駕嘅右後方位置畀後面嘅的士撞凹咗，事後佢喺社交平臺報平安。

陳庭欣話：「剛剛番工路上遇到小小交通意外，幸好的士司機及的士上兩位乘客都無受傷，而我只是輕輕左邊面頰顴骨位置撞瘀咗。大家揸車真係要小心啲，特別係繁忙時間，唔好咁心急cut線啊！」

睇到陳庭欣嘅座駕“傷勢”明顯，相信當日撞擊力唔細，佢貼文一出，引來大批tvb藝人張彥博、江嘉敏、蔚雨芯等人同其他網友留言慰問。