前港姐揸電單車發生意外，手臂…

日前，前港姐莊思明喺旺角拍攝TVB新劇《超能使者》嘅嗰陣，將價值1.5萬蚊嘅手袋擺喺劇組嘅小巴入面，當莊思明拍完劇之後，竟然發現手袋不翼而飛，贼人更盜用莊思明嘅信用卡涉款共約5.7萬蚊。

除此之外，莊思明更加遇到另一單意外，日前佢揸電單車嗰陣，好唔好彩噉發生交通意外發生血光之災，呢段時間，莊思明真係黑開有條路。

莊思明喺社交平臺留言話：「我而家冇乜事，我相信呢段時間嘅壞運氣都用曬，跟住就輪到好運喇。」，可以睇得出莊思明仲係好樂觀，積極生活，相信自己。

講到莊思明，其實佢出世喺一個富裕家庭，老竇係大馬拿督莊寶坐擁8億身家，佢喺2010年嘅時候就去參加香港小姐競選，攞到季軍好成績從而入行。

莊思明入行以來有過兩段拍拖，佢喺2011年曾經同陳慧琳細佬陳司翰拍拖，兩個人拍拖多年經常發生沖突，曾經被拍到喺中環嘈交，三離三合最后分手收科。

正因為莊思明家境富裕，所以佢同楊明拍拖咁多年，總係有人話楊明「食軟飯」，對此莊思明其實好介意，莊思明曾經社交平臺發聲，聲稱男友并冇用過自己一分一毫，男友仲主動承擔起兩個人嘅平時生活支出。

呢幾年，有好多人都話莊思明旺夫，因為楊明自從同佢拍拖以嚟，演藝事業發展越嚟越好，喺TVB逐漸上升到一線位置，而且楊明嘅燉湯店生意都唔錯，莊思明仲成日去男友鋪頭幫手。

之前莊思明成日攞家姐莊思敏嘅婚禮做擋箭牌，而家家姐已經嫁人，都應該輪到佢同楊明啦，希望佢哋早日拉埋天窗，早日可以生個可愛嘅寶寶。