前港姐搬離愛巢三個月,被傳分手

前港姐朱智賢年前畀爆出同偷食人夫黎振燁,事後依然得到有米男友謝東閔開記招力撐,朱智賢馬上畀TVB掟入雪柜,謝東閔一直不離不棄,陪佢行山拍片營造健康形象洗底!

呢排,朱智賢終於獲TVB正式解凍,有份主持東京奧運之餘又參與《開心大綜藝》拍攝工作,事業漸有起色,感情就凍過水,皆因朱智賢呢日畀爆出,佢已經搬離同謝東閔嘅愛巢三個月!

其實朱智賢同謝東閔嘅感情由濃轉淡有跡可尋,因為之前朱智賢被記者問到生日點同男友慶祝嘅時候,佢相當避忌,畀一再追問先透露同男友、大班朋友過,冇二人世界之餘更加冇收到男友嘅生日禮物!

另外,較早前朱智賢跑步不慎跌低連手錶都跌爆咗,畀記者問到傷勢嗰陣,朱智賢唔願意提及謝東閔,只表示自行處理傷勢。

事後記者致電謝東閔,佢表示呢排大家各有各忙,喺社交平臺少咗互動。另一邊廂記者致電當事人朱智賢,佢強調「冇咁嘅事」,而謝東閔就未有回應!

Like MisshkNews Facebook!不出门也能知天下事~

發佈回覆

你的電郵地址並不會被公開。