前港姐時隔12年再演《法證先鋒》,凍齡美貌震驚網友

《法證先鋒IV》出街兩個星期收視節節上升,喺第四集登場嘅陸詩韻(Sharon)所飾演女明星“殷紅”,喺最近幾集戲份甚重,更加成為殺人案嘅關鍵人物。

事實上,陸詩韻自從2009年離巢之後,呢幾年好少出現幕前,創立自家美容品牌做生意,得閒嗰陣以自由身返TVB拍劇,喺2018年《宮心計2深宮計》飾演宋王妃之後,事隔10年後陸詩韻再以殷紅呢個身份第二度拍劇。

現年39歲嘅陸詩韻雖然相隔多年冇拍劇,不過大部分觀眾依然係對呢位2005年《香港小姐競選》亞軍留有深刻印象。

皆因陸詩韻曾經喺2008年嘅《法證先鋒II》登場過,當時佢飾演嘅角色同樣係一位女明星,不過可惜戲份唔重,最後更畀人殺死,究竟係巧合定專登安排?

陸詩韻表示:「我同小菁姐都冇特別設計一個乜角色,只係啱啱都係一個女明星,不過今次係一個有錢嘅女明星!」

12年後嘅陸詩韻變得成熟又有女人韻味,更被唔少網友大贊係凍齡美女,美貌依然。佢亦公開一個叫「朝鹽夜蜜」嘅獨門秘方:朝早飲杯鹽水,晚上飲杯蜜糖先瞓,對皮膚嘅排毒有好大嘅幫助!

發表回覆

你的電郵地址並不會被公開。