前港姐曬巨鑽嫁入豪門,未婚夫勁猛料

現年26歲嘅2018年港姐季軍丁子田,當年參選港姐嗰陣係大熱門,可惜最後屈居陳曉華、鄧卓殷之后。選美結束之後佢加TVB,可惜不過星途一般,就客串過一集《愛回家之開心速遞》。

丁子田雖然事業失意,不過愛情就Sweet到爆,呢排更不斷喺社交平台「放閃」,直至日前半夜佢喺社交平臺上曬巨鑽,分享婚訊。

其實丁子田未婚夫Paul勁猛料,Paul全名叫吳杰龍係國行集團太子爺,佢老竇將BURBERRY同FENDI等高級品牌帶入中國,PAUL曾經喺大陸訪問節目畀冠以「香港頂級時尚富豪家族的貴公子」稱號。

 另外PAUL本身相當有商業頭腦,舊年就去上海為珠寶品牌周大福舉辦活動,由計劃到宣傳等工作都由佢一個人搞掂。

丁子田同未婚夫Paul雖然拍拖冇幾耐,不過都愛的癡纏,丁子田更經常曬出合照「宣示主權」,反而Paul就比較低調,社交平台啲相幾乎都係旅游或者奢華享受嘅靚相。

值得一提嘅係,其實丁子田未婚夫Paul今年1月喺瑪麗醫院接受大型嘅心臟手術,未知係咪Paul走過鬼門關后更珍惜所愛,決定向丁子田求婚,情定終生。

 唔理點樣,宜家見到丁子田得償所願可以嫁入豪門,真係替佢開心,祝福你哋永遠幸福快樂喔。

Like MisshkNews Facebook!不出门也能知天下事~

發佈回覆

你的電郵地址並不會被公開。