前港姐有「小超人」做後臺,事業愛情兩不誤

呢排,作為TVB備受關注嘅熱播劇集《降魔的2.0》,口碑收視雙豐收,好評如潮,作為前一部TVB神劇《降魔的》嘅續集,絕對冇令一眾粉絲失望。

除咗沿用咗第一部嘅演員班底之外,仲有其他新增角色,當中當年落選港姐嘅林凱恩飾演張佩玲亦由純情僆妹,徹底魔化成為附魔大肚婆,演技再次大爆發,更被網民力推做視后接班人。

林凱恩常駐TVB處境劇《愛回家之開心速遞》,飾演Bonnie,一個嚴守律己嘅純情女學生,戲中老竇係譚道德(陳榮峻飾),喺老竇訓練下,佢只能夠發乎情,止乎禮。

而林凱恩喺《她她她的少女時代》中飾演張晴,同視后田惢妮,李思捷都有對手戲,佢憑借清純外表同甜美形象俘虜咗唔少宅男嘅心。

至於愛情上,林凱恩入行到而家好少有緋聞,除咗同金城安(周嘉洛飾)係螢幕情侶之外,似乎都係一片空白。

作為林凱恩好姊妹嘅郭嘉文,佢係「小超人」李澤楷正牌女友,郭嘉文自然唔放過任何做媒人嘅機會,佢頻頻帶同林凱恩出席上流社會活動,仲介紹男友身邊富豪朋友畀佢識。

其實,喺參選港姐嗰陣,林凱恩都有觀眾話佢好似佘詩曼,呢次喺《降魔的2.0》演技嘅進步,更有網民封為係佘詩曼接班人,唔知夠唔夠班?

Like MisshkNews Facebook!不出门也能知天下事~

發表回覆

你的電郵地址並不會被公開。