前港姐消失3年客串回歸,竟然畀佢「劫財劫色」

前港姐朱千雪自從喺2017年拍攝完《踩過界》之後,就選擇回歸學園,喺中大讀完企業傳播管理碩士課程之後,佢又喺香港城市大學攻讀法律博士課程,誓要做學霸才女!

喺熱播劇《降魔的2.0》中,朱千雪突然喺劇中客串一個疑似女鬼嘅乘客,驚艷全劇!

高壓電塔場景令人懷念!

朱千雪飾演乘客身穿白衣撐住紅色傘喺雨中等的士,面無表情,觀眾最初以為佢係女鬼。


點知道朱千雪上咗馬國明嘅車之後,就遇上馬國明降魔,令劇中嘅朱千雪花容失色以為對方想「劫財劫色」。

朱千雪更向途經嘅女警(樊亦敏)求助:「Madam,佢而家冇做,頭先佢肯定想做!」朱千雪即畀馬國明寸爆:「想都犯法?你識唔識法律?」夠膽批評法律博士,認真攪笑!

事後朱千雪喺社交平臺發文話:「有趣的客串!」

網友紛紛留言表示見到朱千雪好驚喜!

當中,亦有唔少粉絲留意到劇中有類似《EU超時任務》嘅高壓電塔場景,猜測朱千雪飾演嘅Madam Ling死後穿越到《降魔的2.0》,認真驚喜!

唔少網友都力推《EU超時任務》拍攝第二輯,睇嚟監制林志華拍攝完《踩過界II》之後,可以認真考慮下!

Like MisshkNews Facebook!不出门也能知天下事~

發佈回覆

你的電郵地址並不會被公開。