前港姐激罕曬古裝造型逆齡變僆妹:對我嚟講好特別

雖然藝人徐子珊離巢多時,喺簽約王祖藍公司之後就轉戰內地,主力發展內地市場,加埋要兼顧學業,佢更多以商演同綜藝為主。

而日前佢就喺社交平臺上曬出咗幾張嘅古裝造型相,馬上引起咗網民們嘅熱議。

呢次徐子珊將會喺新戲中飾演千金小姐,睇到相中徐子珊完全唔似系即將「4字頭」嘅人,而佢似乎都對今次嘅造型相當滿意,佢鬼馬發文寫道:「系咪好耐冇見過我古裝扮相喇」。

徐子珊更加多謝劇組為佢設計嘅造型,佢話:「古裝比時裝當然無論穿衣set頭都要長啲時間,so far我冇咩問題,仲有好多謝劇組幫我設計咗一個好young好靚嘅孝造型。」

至於喺完成呢部新戲《財神》嘅拍攝之後,會唔會再返TVB,與林峰一齊繼續合作,不過佢就表示希望先完成心理學碩士課程,話曬而家仲要兼顧學業,唔可以全身心投入到拍戲當中,相信到時一定仍有機會喺TVB再見翻徐子珊嘅身影。

1979年出世嘅徐子珊,同大多數藝人一樣都系通過選美而入行,喺美國加州大學戴維斯分校畢業嘅佢,喺返香港之後,就參加咗《2004年香港小姐競選》,喺賽前就畀視為大熱嘅佢,更加系不負眾望奪得咗港姐冠軍同「最上鏡小姐」等多個獎項。

備受力捧嘅徐子珊更加系多部劇集中擔任主要角色,人氣急升嘅徐子珊火速上位成為當家花旦,比如《仁心解碼》、《法證先鋒3》、《雷霆掃毒》、《潛行狙擊》、《突圍行動》、《學警出更》、《點金勝手》、《情越雙白線》、《my盛lady》、《守護神之保險調查》等。

徐子珊一直增值除咗珠寶設計課程之外,仲修讀心理學碩士課程,今次為新戲《財神》拍攝嘅徐子珊更去到橫店工作。

徐子珊話:「今次成套戲對于我嚟講最特別系,第一次與全內地嘅臺前幕后團隊合作。加埋自己真系好少拍古裝,所以都要啲時間適應一下,不過好彩而家呢邊天氣未算好熱。」期待徐子珊新戲嘅播出!

發表回覆

你的電郵地址並不會被公開。 必要欄位標記為 *