前港姐為咗嫁入豪門釣金龜婿，而家修身養性做闊太

TVB鐘意力捧港姐一早已經成為習慣，過往TVB視後一半以上都嚟自港姐、華姐。不過都有例外比如2011年嘅港姐季軍許亦妮忙住同富家公子傳緋聞，釣金龜婿。

許亦妮出道以嚟佢都係以配角或者客串身份參與演出，未有特別大嘅表現空間。

許亦妮最近一部劇已經係幾年前嘅《潮流教主》，佢喺裏面飾演配角Zoe。

而大家對許亦妮最有印象應該係喺電影《喜愛夜蒲3》代替DaDa（陳靜）擔正做女主角。

宜家已經改名叫許芷熒嘅許亦妮，今年30歲，日前佢同拍拖兩年嘅圈外男友Alexander，宣布結婚并喺尖沙嘴洲際酒店舉行婚禮。

不過，新郎哥嘅身份一直好神秘。據悉，男方中文名馮家柱，家族經營印刷生意而且已經上市。

除咗上市公司市值高達一億六千多萬之外，男家父母手上更持有逾兩億嘅物業，家底豐厚，絕對係筍盤級嘅如意郎君。

兩個人喺尖沙嘴洲際酒店舉行婚禮，筵開四十幾席，姊妹團陣容包括：蔡思貝、何依婷、陳曉華、梁麗瑩等人。

喺婚禮上，新娘不斷炫耀自己超過4卡嘅鉆戒，閃爆全場。

據知，一對新人兩年幾前，由許芷熒嘅閨密梁麗瑩介紹認識，見面之後大家投契，隨即一拍即合。