前港姐為咗生B隱退娛樂圈,曾經因為「私密床照」轟動全城

前港姐歐陽巧瑩(Tammy)近年嚟喺愛情、事業雙豐收,相當幸福,自從參選港姐入行以嚟,歐陽巧瑩就憑借爽朗嘅性格同性感火辣嘅身材備受觀眾歡迎,演藝事業發展得越嚟越好。

而喺2018年年尾,歐陽巧瑩高調宣佈與拍拖4年嘅TVB歌手、人稱「木偶哥」嘅林師傑結婚,正式升呢做幸福人妻。

結婚之後歐陽巧瑩選擇回歸家庭做全職太太,而老公林師傑就喺外面搵錢養家。

喺舊年歐陽巧瑩為咗宣傳熱播劇集《金宵大廈》難得現身,而好久冇蒲頭嘅佢就畀傳媒發現身材比之前明顯發福唔少,因此引來咗大肚傳聞。

當時呢個報道一出,好多網友都表示相當可惜,因為好快就少咗一位性感嘅好戲之人。

不過就喺呢排,歐陽巧瑩嘅妹妹歐陽巧霖就引發咗外界唔少嘅關心,大家都贊嘆歐陽巧霖有顏值、有潛質頂替自己嘅家姐歐陽巧瑩踏入演藝圈做藝人。

據悉,歐陽巧霖而家係一個職業化妝師,曾經幫過羅天宇、張建聲同家姐以及姐夫林師杰等人化妝,連家姐影結婚相,個妝都係出自阿妹手筆!

雖然佢冇家姐歐陽巧瑩咁豪放,但睇得出同家姐一樣咁好身材,以前就仲有啲Baby Fat,但愈大愈靚,平時作風就幾低調。

講返歐陽巧瑩,其實佢喺2013年參加咗香港小姐競選,憑借優異表現殺入最后十強,喺決賽中,雖然落選港姐,但最後獲得咗友誼小姐嘅殊榮,選美結束之後歐陽巧瑩就簽約TVB,正式進入娛樂圈。

入行初期,歐陽巧瑩因為身材性感都傳出咗唔少緋聞,而當年更加係因為畀曝出「私密床照」畀包養一事而轟動全城。

經歷咗短暫嘅事業低潮之後,歐陽巧瑩開始畀安排喺各大綜藝中擔任嘉賓,同時喺各大劇集中客串演出。好似《3日2夜》、《姊妹淘》、《今日VIP》等綜藝,以及《溏心風暴3》、《特技人》、《十二傳說》、《超時空男臣》等劇集都可以見到佢嘅身影。

雖然入行得短短嘅幾年,但歐陽巧瑩為咗愛情選擇隱退演藝圈確實相當勇敢。最後misshk祝福歐陽巧瑩、林師傑生活幸福,早日備孕成功!

Like MisshkNews Facebook!不出门也能知天下事~

發表回覆

你的電郵地址並不會被公開。