前港姐爆富貴男友已見家長:啱啱開始甜蜜啲

藝人陳庭欣(Toby)到將軍澳出席野生救援與TVB電視合作、支持野生動物保育嘅簽約儀式。受訪時,佢被問到老板級男友楊振源(Benny),佢坦言想保持低調:「正常發展。(幾耐見一次?)唔定,根據過往經驗,啱啱開始都系甜蜜啲,希望每日都keep得住。(佢支持你嘅工作?)佢諗嘢比較成熟,好支持我,不過我唔想佢出現喺娛樂版。」

Toby希望男友可以改變其工狂嘅習慣,不過佢每個禮拜都要主持《東張西望》,故比較難請假:「《東張西望》嘅主持有好多喜事,我呢啲未婚嘅當然就佢哋(放假)。」佢又透露父母即將60大壽,好想喺秋冬季節帶屋企人旅行慶祝:「不過要搵人照顧我嗰五只雀仔先。(男友見家長未?)喺好多人嘅活動見過。(屋企人對佢有咩評價?)冇講,應該代表OK?(幾時正式見面?)順其自然啦。」

Like MisshkNews Facebook!不出门也能知天下事~

發佈回覆

你的電郵地址並不會被公開。