前港姐獲男友批準,大曬超高衩性感泳衣照

前港姐張寶兒性感大解放,呢日見到佢喺社交平台曬出一輯超高衩性感泳衣照,見到佢著住一件頭超高衩泳衣,盡顯性感身材同修長美腿。

事后張寶兒接受傳媒訪問,佢話:「呢排會拍好多造型時尚嘅相,想多試啲新嘅造型。」張寶兒仲話男朋友袁偉豪有睇過呢輯相,獲得男友批準先敢喺社交平台曬。

講到張寶兒,其實佢講得上係內外兼備嘅千金小姐,曾經修讀工商管理嘅佢,雖然有個富爸爸張煌煌,但佢大學畢業之後選擇喺盛世廣告數碼做項目經理,同喺李錦記健康產品集團做產品發展經理。

選完港姐之後,張寶兒得閑嗰陣會幫老竇打理生意,身為長女嘅張寶兒或者會係內衣生意繼承人,佢老竇投資有道,除咗喺跑馬地持有三個物業之外,前年更一口氣掃入清水灣傲瀧四個單位,物業市值更超過3億元。

咁優秀嘅張寶兒,竟然睇啱咗比自己大10年、學歷低、出身普通屋邨嘅前香港先生袁偉豪。據悉,佢哋喺三年前非洲拍攝《打工捱世界II》而相識相戀。

據悉,當年袁偉豪同舊愛岑杏賢分手半年,更畀傳媒指出袁偉豪一走紅就拋棄陪佢捱窮捱苦嘅女友,之後更火速搭上張寶兒。

不得不說,袁偉豪眼光真係好好,為咗盡快娶張寶兒過門,佢已經公開表示要喺40歲前結婚,即今年年尾,真係替佢哋開心,恭喜曬。

一齊嚟欣賞張寶兒之前喺社交平台分享嘅寫真。

Like MisshkNews Facebook!不出门也能知天下事~

發佈回覆

你的電郵地址並不會被公開。