前港姐生三胎未坐足月去沙灘玩，網友提醒因住頭痛

前港姐葉翠翠上個月11日喺疫境下誕下三仔，事后佢宣布封肚唔再追生，呢段時間葉翠翠應該要喺屋企坐月修養補身子，不過尋日佢喺社交平台曬出同老公以及三個仔仔，一齊去沙灘呼吸新鮮空氣嘅相。

見到戴上口罩嘅葉翠翠抱住三仔，老公就拖著大仔同二仔合照，三父子難得著父子裝上陣，真係好攪笑。

葉翠翠喺社交平台留言話：「喺冇準備之下我哋去沙灘，好在媽咪每次出街都會幫佢哋帶多套衫褲。」

講到葉翠翠，其實佢喺2005年參選港姐奪得冠軍，選美結束之後進入娛樂圈，不過加入TVB嘅佢好少發展機會。

葉翠翠喺劇中多數飾演配角為主，例如《溏心風暴》、《宮心計》、《公主嫁到》、《金枝欲孽2》等劇集。

2016年葉翠翠向傳媒透露指TVB要求減薪三分一，最後喺2017年12月尾同TVB正式約滿離巢。

離巢嘅葉翠翠宜家做網紅KOL，喺網上教粉絲育兒心得同塑身減肥等，視頻網站累計擁有大量粉絲，收入自然比TVB做綠葉時高。