前港姐直播曬長腿,網民睇到超激動!

呢排,前港姐王卓淇留喺屋企抗疫,都不記曬靚相派福利,呢排佢就以一字膊碎花裙上陣,露膊兼大曬白滑長腿,仲玩埋「變髮」駁上金色假髮,新造型帶畀網民無限新鮮感。

除咗曬相之外,王卓淇亦有大騷才藝,拍片「開金口」冧粉絲,之後佢仲歌癮大發,索性開直播叫粉絲點唱:「好耐冇直播唱歌畀大家聽,歌癮發作,歡迎嚟點歌一齊玩呀!」

不少網民都話估唔到王卓淇睇得之余,歌藝都有出色表現,短短嘅100分鐘直播,最終吸引咗10萬人睇,成績相當唔錯。

提到王卓淇,其實佢喺2014年參加港姐爆冷獲得亞軍,之後就進入娛樂圈發展其演藝事業。

“王卓淇 港姐”的图片搜索结果

入行初期,王卓淇一直飾演茄哩啡角色,直到呢兩年喺劇集《全職沒女》、《十二傳說》入面有較重嘅戲份,特別係喺《十二傳說》演技大爆發,人氣急升。

據悉王卓淇出身富貴之家,王卓淇老竇喺大陸經營一家護膚品公司,其廠房嘅面積達到驚人五十萬呎,因此進入娛樂圈短短幾年嘅王卓淇,手持有超過600萬嘅物業。

唔理點樣,雖然王卓淇目前都唔算出彩,都係希望王卓淇喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。