前港姐神隱多年終於浦頭,曾經畀溫兆倫索賠14萬

現年51歲嘅前港姐陳梅馨(Bessie)「神隱」多年之後,呢排終于現身浦頭TVB電視城,出席TVB音樂節目《流行經典50年》嘅錄影唱老歌,陳梅馨坦言享受單身。

雖然陳梅馨已經年過半百,但保養得宜,想當年陳梅馨參加1988年度香港小姐競選入行,佢先後拍過多套劇集,包括三輯《一號皇庭》等,後尾跳槽到有線電視擔任主持。

2005年陳梅馨選擇退出娛樂圈,要講佢最令人深印象嘅事,不得不提90年代初佢同溫兆倫嘅一段情,雙方最終因為感情決裂反目,事後有指男方向女方追討14萬分手費,震驚全城。

對于前塵往事,陳梅馨承認當年年紀仲細,唔識得處理感情事,好似宜家人大咗,如果去處理感情事就會成熟啲,只可以講當時自己唔識,人哋講乜我就去做乜。

(記者問到陳梅馨雙方拍咗幾耐拖?)我哋拍咗年幾拖,算啦!唔好講啦!都過咗咁耐,人哋都有家庭又有小朋友,我都唔想影響人,費事話我出嚟又翻炒佢啲嘢。

(記者問到陳梅馨你哋結過婚?)其實我同佢冇結過婚,我都唔知點解會有咁嘅報道,我想澄清到而家我仲係單身。」

 

Like MisshkNews Facebook!不出门也能知天下事~

發佈回覆

你的電郵地址並不會被公開。