前港姐第三胎即將生產,預告巨嬰要嚟嘞

舊年8月份,前港姐葉翠翠宣佈懷上第三胎,佢同老公周曉東育有分兩歲大仔「小王子」Jake同一歲細仔「小小王子」Triton,宜家準備迎接「三王子」誕生,葉翠翠駕輕就熟。

舊歷新年葉翠翠花心思幫一對寶貝仔仔打扮,著上中式賀年裝拜年,每日都著上新衫影相。

尋日,葉翠翠去完產檢之後,喺社交平臺曬出「三王子」嘅超音波相,寫道:「三王子已經好大個喇,有7磅7,比小小王子同期仲要重。」

葉翠翠生第一胎「小王子」Jake嗰陣,比預產期早咗半個月出世,已經有7磅半重,而「小小王子」Triton足月出世,係9磅重嘅巨嬰。

葉翠翠生BB經驗豐富,肥胎唔肥人,經常喺社交平台分享心得,而成為媽咪界嘅網紅KOL,佢仲預告三王子好大個,可能磅數會再破紀錄!

Like MisshkNews Facebook!不出门也能知天下事~

發佈回覆

你的電郵地址並不會被公開。