前港姐素顏上陣曬長腿，去六星級酒店幫媽咪慶生！

前港姐馮盈盈一向出名孝順，較早前父親節佢畀影到陪父母一齊現身紅磡售樓處，參觀將軍澳新樓盤示范單位，事后馮盈盈回應話只要佢哋鐘意自己會幫手畀訂金同供樓。

日前係馮媽咪生日，原來馮盈盈早有安排，佢帶媽咪去六星級酒店享受一番。之外馮盈盈都有喺社交平台留言話：「媽咪HAPPY BIRTHDAY！希望你鐘意我為你準備嘅一切。」

呢日馮盈盈再曬出靚相，見到佢素顏上陣曬長腿，喺維港靚景前拎住住兩扎花！

除此之外馮盈盈仲分享咗好多《反黑路人甲》嘅花絮相，留言話冇反黑路人甲，冇Madam Koo嘅第一次。劇集雖然播完，但故仔會一直記住，感激監制林志華畀我機會，讓我飾演Madam Koo。