前港姐素顏意外曝光,嚇得網民…

前港姐胡杏兒自從結婚生仔之后,一直保持靚樣同完美身材,但尋日適逢七夕中國情人節,胡杏兒老公李乘德喺社交平臺曬出合照,見到佢哋相當恩愛,但意外令胡杏兒素顏曝光。

素顏嘅胡杏兒戴上黑框眼鏡,黑眼圈相當大,而且皮膚偏黃,同平日所見嘅佢差天共地,不過五官依然標緻,仲係好靚女。

除此之外,胡杏兒仔仔嘅發型,讓個胡杏兒老公李乘德感嘆:仔仔係唔係等住做媽咪喺《怒火街頭》續集嘅替身演員?

講到胡杏兒,其實佢喺1999年參選香港小姐,并獲得香港小姐季軍同活力風采獎成為雙料香港小姐,同屆冠亞軍分別就係郭羨妮、原子穗。佢當選之後決定休學簽約TVB,發展其演藝事業。

2002年胡杏兒喺《流金歲月》中飾演弱智女仔「丁善茵」一角,而引起大眾關注以及人氣急升,并憑藉角色勇奪《萬千星輝賀臺慶頒獎典禮》「飛躍進步女藝員」獎以及提名「最喜愛的電視角色」。

同年年尾,胡杏兒首次擔任第一女主角,以清爽短發喺劇集《律政新人王》中飾演性格率直嘅「鐘清鈴」(LingLing),劇集收視高達37點。

胡杏兒再接再厲,喺2003年《沖上云霄》中飾演吳鎮宇女朋友蘇怡(Zoe),胡杏兒憑借Zoe呢個角色唔單止獲提名《萬千星輝賀臺慶頒獎典禮》「我最喜愛的電視角色」,更加喺粉絲心中留低深刻印象。

2005年,胡杏兒主演TVB五部劇集,令佢晉升一線花旦之列,連「阿姐」汪明荃都封胡杏兒為「劇霸」,認真好犀利。

胡杏兒同汪明荃喺劇集《我的野蠻奶奶》中上演婆媳大戰,佢憑借「田力」呢個角色大熱姿態喺《Astro華麗臺電視劇大獎》奪得「我的至愛女主角」同「我的至愛角色」兩個獎,成為頒獎典禮成立而嚟最後生嘅「視後」。

胡杏兒同男主角黃宗澤也因此戲假情真,發展成為情侶。

2006年,胡杏兒入行7年雖然已經積累唔少代表作,但未能衛冕視後,佢為突破所以增肥至152磅出演《肥田喜事》「肥田」呢個角,成為大眾話題,卻未能成功沖擊視後。

2011年,算係胡杏兒大豐收嘅一年,佢以《魚躍在花見》嘅「姜羗」,《怒火街頭》嘅「王思苦」角色成功入屋。

之后,胡杏兒離開TVB,事業重心轉移內地,其中一個代表角色係喺《那些年花開月正圓》中飾演面慈但心狠手辣嘅「胡詠梅」。

胡杏兒喺社交平臺總結20年嘅演藝歷程,佢感恩所有演繹唔同人生同唔同角色嘅機會,佢知道無論係人生中或者工作中,仲有好多可以學習嘅地方,胡杏兒承諾會繼續努力,期待一個更好嘅自己。

Like MisshkNews Facebook!不出门也能知天下事~

發佈回覆

你的電郵地址並不會被公開。