前港姐緋聞男友竟然係「集郵王」,曾經畀TVB提前解約

日前,《降魔的2.0》嘅一眾演員包括前港姐劉佩玥、胡鴻鈞以及譚凱琪等人出席活動為劇集宣傳,傾到劉佩玥飾演嘅「啤啤」著上婚紗扮結婚,一圓父母心愿嘅劇情,令到好多觀眾都睇到眼濕濕。

劉佩玥表示:「媽媽睇到眼濕濕,我當日睇劇本時都感動到落淚。」她表示希望呢一幕,可以話畀大家知道要珍惜家人,記者仲問到佢媽媽有冇催婚?劉佩玥就笑住話:「媽媽唔想我太早出嫁。」

最近,劉佩玥畀傳媒影到獨自上緋聞男友周志文嘅屋企密會2個鐘,劉佩玥對此就回應話:「由細到大都會去朋友屋企玩,好正常。」

當被記者問到係咪孤男寡女共處一室時?劉佩玥就否認話:「周志文係同父母一齊住,大家唔好放大去睇。」,佢仲表示:「自己仲去過周志康嘅屋企,同佢太太見面同佢個女玩,話自己同事屋企都會去,無論男女。」

睇嚟,劉佩玥已經融入緋聞男友屋企,畀記者進一步追問兩人關係嘅時候,劉佩玥就玩起太極,佢笑言《降魔的2.0》融入到香港每個家庭,觀眾們喜歡呢部劇佢覺得好開心。

劉佩玥同周志文傳緋聞已經傳咗好多年,不過佢哋一直否認係情侶關係,不過,講起《超級巨聲》出身嘅周志文,入行多年緋聞女友可以講係一大囖。

周志文唯一承認嘅女友係富家女袁紫僑。

後尾有傳因為「TVB小花」馬賽嘅介入,導致其分手。聽講周志文除咗曾經追過陳瀅同何雁詩之外,仲同蔡思貝經常密會,導致蔡思貝同男友麥秋成分手。

周志文曾經被拍到身為大馬拿督女兒、港姐季軍嘅莊思明一齊行超市睇戲,表現親昵。

而為人母嘅吳若希早年都曾經同周志文傳過緋聞,當時吳若希阿媽受傷,周志文即刻同溫家偉去醫院探望,并用溫家偉作掩護。

喺2015年6月,周志文畀TVB提前解約,據悉係因為一腳踏兩船而畀某位女星向TVB高層投訴導致。

到咗2018年,網上流傳TVB公司20幾個藝人一齊去開船上派對嘅時候,周志文就畀影到疑似同劉佩玥水上激吻嘅相,雖然佢哋從未有公開承認戀情,但喺圈中早已經係公開嘅一對啦。

唔理點樣,都係希望劉佩玥喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。