前港姐考心理學碩士,坦言畢業季忙考試:考試前都冇得訓

日前,前港姐徐子珊就出席咗「2019亞洲最副影響力盛典頒獎禮」,而家重回學校醉心于學業嘅徐子珊,喺活動現場都不忘大傾讀書大計,已經修讀碩士多年嘅佢,更透露將會喺今年嘅六月份完成港大心理學碩士學位。

佢話:「我啱啱考完個midterm(中期考試),之后仲有兩份paper同論文,搞到考試前一晚都冇得訓。比起舊年一邊拍劇一邊讀書,而家已經唔算頻撲,我已經過咗最辛苦嘅階段!」

完成學業嘅徐子珊系咪就意味住可以全身心嘅投入到演藝事業當中,以全新嘅姿態強勢回歸幕前呢?

對此,佢就透露想要繼續進修嘅諗法,或者會留喺香港,又或者去海外進修,一切都隨緣。睇嚟,又有一大批粉絲要失望痛哭。

佢話:「雖然仲未決定喺邊進修,但會繼續讀同心理學有關嘅課程。雖然我冇打算做全職(心理學家),但我個人鐘意多方面發展,一邊工作一邊做生意,又可以睇下書噉樣。」

原本藝人嘅時間就已經唔穩定,加埋除咗藝人身份之外,仲要兼顧學業,導致私人時間越來越少。徐子珊并冇因為繁重嘅學業,或者系頻撲嘅工作而忽略身邊最親近嘅屋企人。

佢話:「佢哋全部都好理解我嘅決定,我會定時同佢哋食飯,得閑都會飛去臺灣探佢哋。」睇到徐子珊咁滿嘅行程,misshk都不由心痛,希望佢忙歸忙,仲要好好注意身體,話曬健康嘅身體先系革命嘅本錢!

至於最近林峰高調強勢返巢,徐子珊都表示希望兩人可以再度合作,佢話:「我恨咗好耐啦!佢離開TVB之前,我哋成日都有合作,所以我都希望可以同佢再拍劇,睇下有冇機會。」

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *