前港姐自曝患上躁鬱症,要通過自殘嚟氣發泄情緒

都話演員係喺磨練中成長嘅,呢句話用喺前港姐蔡思貝身上似乎相當合適,經常有睇TVB劇集嘅朋友就會發現,曾經畀網友封為「高音貝」嘅蔡思貝,呢兩年嚟演技進步相當大。

較早時蔡思貝喺《機場特警》中擔正做女主角辛凱晴(辛仔),佢同張振朗、湯洛雯有三角戀,蔡思貝喺將呢個角色詮釋得好到位,如果擺幾年前畀佢演呢個角色,實在唔敢想象。

蔡思貝同好多TVB女藝人一樣,都係通過香港小姐競選而加入TVB發展演藝事業。

啱啱好2013年嘅香港小姐競選,可以講係近十年嚟質量最高、競爭最激烈嘅一屆,因此當年三甲都畀唔少觀眾、網友寄予厚望,好彩佢哋而家喺TVB都有較好嘅發展。

當年對于非科班出身、零表演基礎嘅蔡思貝嚟講,做戲的確係一件相當困難嘅事情,喺選美結束之後,佢就加入咗TVB藝員培訓班學習,喺老師嘅指導下學習表演技巧。

適逢遇到TVB「花旦荒」嘅局面,因此蔡思貝被TVB高層推到幕前,開始劇集嘅拍攝,當時蔡思貝嘅演技真係好尷尬,只識得一味提高聲音嚟表達情緒,所以當年佢比網友封為「高音貝」。

但係慢慢,蔡思貝或者搵到做戲嘅感覺。佢仲喺2017年憑借《踩過界》獲得咗當年嘅「最受歡迎電視女角色」,相信呢個係對蔡思貝入行幾年以來最大嘅鼓勵。

然而呢排蔡思貝接受采訪時,大傾入行7年嚟嘅感受,佢坦言7年嚟好似網友都冇停止過對佢嘅謾罵,甚至有網友叫佢去死,再加上父母同佢又缺少溝通,久而久之蔡思貝變得更加封閉自己,所以一唔小心患上嚴重嘅躁鬱症 。

蔡思貝仲透露,雖然佢患有躁鬱症,但係佢堅持唔會用藥物去治療,唔想產生藥物依賴,病發嗰陣甚至會自殘,好彩嘅係蔡思貝而家諗通咗做番自己,所以佢嘅病情得到緩解。

唔理點講,入行呢7年時間,話長都唔長,話短都唔短,但係蔡思貝而家嘅演技係真嘅進步咗好多,所以都係希望蔡思貝喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。