前港姐自爆可以接受爺孫戀,佢可能喺其他方面有優勢

TVB人氣處境劇集《愛回家之開心速遞》不嬲受觀眾同網友喜愛,較早時宣佈加集數1000集,一眾演員都希望自己長拍長有,持續喺劇集中亮相,保持曝光度。

前港姐劉思希今日為《愛回家之開心速遞》開工,提到佢喺劇中嘅角色,「楊洋」同年長三十年嘅「俊華」發展爺孫戀,劉思希受訪表示劇組起頭想搞爛gag,冇諗到出街之後劇集收視都唔錯,所有先令呢條感情線可以發展落去。

劉思希認為愛情可以跨越任何阻滯,兩個人嘅年紀唔係問題,即使年紀相差三十年都未嘗不可,睇大家係咪可以相處落去。

不過劉思希就指:自己到而家拍過拖嘅男朋友都只係大自己幾歲,劉思希仲話∶「爺孫戀年紀可能有啲大,但係可能喺其他方面有優勢呢。」

講到劉思希,其實佢喺2011年參加香港小姐競選入行,曾經擔任TVB娛樂新聞主播,2014年佢同郭晉安、吳卓羲合演《忠奸人》有重要戲份,但外界紛紛批評佢樣貌同演技。

2017年劉思希出演《迷》飾演丑女,演技獲得肯定,之後更獲得TVB高層曾麗珍賞識加入處境劇《愛回家之開心速遞》,成功入屋。

劉思希除咗拍劇之外仲兼顧學業,較早前劉思希終於完成兩年學業,喺科大舉行畢業禮,更考獲8A成績,畀稱為TVB學霸。

喺畢業嗰陣劉思希仲獲得《愛回家之開心速遞》演員呂慧儀、張景淳、湯盈盈同邵珮詩等演員現身撐場,劉思希唔單止愛學都充滿愛心,相信粉絲會鐘意佢。

Like MisshkNews Facebook!不出门也能知天下事~

發表回覆

你的電郵地址並不會被公開。