前港姐舊愛戀上失婚婦女,為咗愛情寧愿斷絕母子關係

曾經因為前港姐麥明詩而一度走紅嘅富二代林作,曾經喺多個行業打滾過嘅林作,做過律師、做過補習名師、半路出家做過藝人又管理過娛樂公司,呢排林作更轉行賣手袋賣保險,更加自夸月賺60萬。

為咗振奮軍心、多次齊集組員上林家開會,林作工作能力點樣好難知道,不過唯一清楚嘅係林作家境富裕,坐擁3400呎豪宅。

自認有強勁經濟能力嘅林作,佢喺今年母親節一口氣送咗8個Hermes名牌手袋畀媽咪,認真夠闊綽。

對于媽咪,林作係又氹又贊,不過唯獨有一件事情,佢一直同媽咪有矛盾沖突。

林作呢幾年同失婚婦女裕美在公在私有唔少交集,佢哋再三傳出緋聞,日前佢哋終于畀影到十指緊扣畀爆拍拖一年,之後佢哋亦高調認愛。

本來男未婚女未嫁,擦出愛火又何必咁大驚小怪?關鍵係林作對于女友眼光落差太大,舊愛係十優港姐冠軍兼劍橋法律系畢業生麥明詩,新歡竟然係著名會考零分兼曾經出軌人夫、失婚婦女裕美,難怪即時成為全城熱話。

為咗新歡護航嘅林作,對于外界閑言閑語即刻出咗千字文嚟回擊,并逐一反擊新聞報道、網紅評論甚至網友私信。

即管林作一一反擊,不過對于媽咪親口表明唔會接受裕美做新袍,如果未婚生子更索性斷絕母子關係,態度強硬連林作都無可奈何。

另一邊,裕美又再出新聞,佢更自爆已經收落男友林作鉆戒、承認獲對方多次求婚,甚至裸體求婚,未過門婆媳關係已經勢成水火,一觸即發。

雖然婆媳關係惡劣,但林作仲係一意孤行,仲將裕美帶返屋企,私藏豪宅中。日前,裕美喺網上播出自己嘅歌曲時,畀網民發現背景正係林作睡房,因為床頭燈一模一樣,證實裕美已進駐林作麥當勞道豪宅。

 

Like MisshkNews Facebook!不出门也能知天下事~

發佈回覆

你的電郵地址並不會被公開。