前港姐著西裝做「兄弟」自嘲:我仲以為自己要結婚

現年28歲嘅TVB力捧港姐麥明詩,入行3年幾深得無線力捧同栽培,已經升呢做女主角,星途無限。不過,即將奔30歲嘅麥明詩,感情生活就一直未有著落,唔少粉絲都希望女神可以早日遇到白馬王子。

再加埋近年,麥明詩身邊陸續有唔少好友都宣布結婚,相信佢自己都希望可以早日擁有真愛步入人生新階段。

日前,又適逢系麥明詩嘅圈外好友嘅大婚之日,一路有情有義嘅麥明詩二話不說放低手頭所有嘅工作,專登為好友擔任伴郎,反傳統著起吊帶西裝襯上白色尖頭高踭鞋亮相,型格十足!

據悉,當日喺婚禮現場,麥明詩拖住一對花童踏上紅地氊,成為全場關注焦點,風頭完全蓋過一對新人。由于天時暑熱,身穿禮服嘅麥明詩身水身汗,面上嘅妝容又開始融化,期間更有三名助手圍住佢即時補妝,架勢強大。

唔少網民都笑謂:我仲以為系新郎!就連麥明詩自己都搞笑謂:「我以為自己結婚!」好多網民又借機留言,叫麥明詩都快啲同真命天子拉埋天窗!

1991年生嘅麥明詩同大多數藝人一樣,都系通過選美出身,出身于小康家嘅佢,自細已經學習芭蕾舞,而聲樂更加系已經達到八級嘅水平。

甚至喺會考時,仲取得十優嘅成績,於是升讀英國劍橋大學紐納姆學院法律系,喺2014年畢業仲取得咗法律系學士學位二級榮譽。

回流到香港發展嘅佢,曾經擔任新聞雜志嘅記者,直到喺2015年嘅時候,麥明詩就參加咗香港小姐選舉,喺賽前就已經畀視為大熱嘅佢,最終都不負眾望,奪得冠軍而歸。

由于佢曾經系十優狀元,更被網民稱為「十優港姐」。

而備受公司力捧嘅佢都喺多部劇集中擔任主要角色,比如《賭城群英會》嘅屠若蘭、《使徒行者2》嘅楊詠、《誇世代》嘅宋佳佳、《是咁的,法官閣下》嘅夏心寧等。

據悉,喺跟住落嚟嘅新劇《殺手》中麥明詩同樣擔任重要角色,大家不妨一齊拭目以待!

發表回覆

你的電郵地址並不會被公開。 必要欄位標記為 *