前港姐豪門夢破碎,頻接工作疑重闖娛樂圈

前港姐郭嘉文同54歲嘅李澤楷拍拖5年,呢排卻傳出5年情疑似結束,原因指出李澤楷成立娛樂公司,簽咗25歲女神林宣妤,而家28歲郭嘉文就被打入冷宮。

事後記者揾到李澤楷回應,得到嘅答復係工作繁忙,私人事唔再回應。

其實佢哋分手傳聞有跡可尋,喺上個月郭嘉文喺社交平台曬新相,留言話:「世界好簡單,大人好復雜,所以只眼開只眼閉,保留一啲童真吧👶。」

直到尋日郭嘉文先開始更新社交平台,而且發文似乎暗藏玄機,「蕩失路嘅時候,應該停落嚟清理好心中嘅雜念先揾到出路」。

其實郭嘉文喺同李澤楷拍拖嗰陣,佢一直配合男方低調作風,而家卻重操故業,例如喺社交平台發文宣傳產品做KOL。 較早前,郭嘉文又同林凱恩為工作拍攝婚紗相,睇嚟係諗住重新進軍娛樂圈。另外郭嘉文IG都有留低工作聯繫方式,但唔係簽約李澤楷成立嘅娛樂公司。

睇返其經歷,2015年23歲嘅郭嘉文,參選港姐嗰陣唔算特別標青,學歷又唔係特別高,最後爆冷攞到季軍,當時嘅冠軍係麥明詩,亞軍係龐卓欣(Ada)。

郭嘉文攞到港姐季軍之后,參與《廉政行動2016》飾演馬家儀(阿儀、妹頭),明顯畀TVB力捧,因為罕有未卸任港姐,就有份拍劇!

之后郭嘉文做過《東張西望》主持,之後就再冇機會拍劇。

喺2016年郭嘉文畀發現同富豪李澤楷戴住口罩同游日本!2017年郭嘉文就離開工作咗兩年嘅TVB!

當選港姐之前嘅郭嘉文生活樸素,喺社交平台多以公仔面、M記為主,同李澤楷拍拖之后坐游艇,出入酒店食TEA,明顯升價十倍!

2018年,佢哋出游泰國,李澤楷帶埋女友郭嘉文出席好友飯局,可見郭嘉文已經入咗男友嘅朋友圈。

更加轟動嘅係,曾經有媒體報道,李澤楷豪氣投入一億港紙,為郭嘉文買房。

喺2018年9月,李澤楷被記者問到佢同郭嘉文嘅戀情,佢回應傳媒時話:We are fine!!默認郭嘉文地位。

但即使而家郭嘉文有可能豪門夢破碎,但佢喺歷任「楷女郎」中,算係除咗梁洛施之外,最備受寵愛嘅一個。

Like MisshkNews Facebook!不出门也能知天下事~

發佈回覆

你的電郵地址並不會被公開。