前港姐豪門夢碎,搞到好姊妹反目成仇

前港姐冠軍陳庭欣(Toby)同彩豐行有米老板楊振源(Benny)拍拖兩年幾,雖然佢哋人前恩愛,但楊振源卻是非不斷,皆因楊振源經常被傳搭上其他異性。

好似舊年楊振源疑似暗撻一個叫阿Yu嘅女子,畀貼大字報鬧「狗男女」兼「世紀大賤男」、之后楊振源又被傳出同落選港姐陳潔玲過從甚密。

呢排更傳出,TVB綠葉謝可逸嘅女友、失婚貴婦方潔盈大肚,諗住要屈楊振源「食死貓」,認肚做老竇,關係真係錯綜復雜。

但好在陳庭欣力撐男友楊振源,仲話:「我嘅睇法係我唔能夠確實聲帶真偽,況且人人都有自己嘅往事同私事嘅!希望而家呢一刻涉及嘅人物都唔會受傷害。」

一波未平一波又起,呢日又傳出消息,指出楊振源暗撻女友陳庭欣好姊妹蔡佩賢(Kitty),更搞到好姊妹反目成仇!

據悉,年初時陳庭欣介紹好姊妹蔡佩賢到楊振源位于大角咀嘅酒吧做宣傳,結果蔡佩賢同楊振源日久生情,更加瞞住陳庭欣喺酒吧私會。

陳庭欣之后撞破私會現場,最后作出反擊兼同好姊妹蔡佩賢反面,但陳庭欣深愛楊振源,為保戀情,唔單止死忍出軌,更做埋小鳥依人女友。

陳庭欣接受傳媒訪問時坦言,上述傳言有真有假,但否認佢同蔡佩賢係好姊妹,更加直指對方係一個「唔正經嘅女仔」,「我唔會再聯繫佢,唔想近朱者赤,近墨者黑。」

據悉蔡佩賢都算半個幕前人員,佢曾經客串過電影《喜愛夜蒲2》、參演TVB劇集《多功能老婆》,更加多次擔任曹星如比賽嘅Ring Girl。

Like MisshkNews Facebook!不出门也能知天下事~

發佈回覆

你的電郵地址並不會被公開。