前港姐轉行做律師生活好艱苦,想返TVB繼續做花旦

港姐不嬲係TVB嘅一大盛事,因為港姐可以用嚟充實花旦隊伍,而且歷年視後有唔少都係嚟自港姐,比如佘詩曼、胡杏兒等人,因此港姐三甲喺TVB地位相當高,基本直接簽約做「TVB親生女」。

不過都有例外,2015年,麥明詩佢係劍橋法律系畢業生,以學歷女神姿態備受網民追捧,作為十A港姐當選冠軍之後嘅麥明詩,更一度同2016年港姐冠軍馮盈盈斗到你死我活。

一位係港大校花MK妹,另一位係高學歷女神,佢哋都喺TVB拍劇、主持,相對而言麥明詩比較穩重,可能父母都係香港名校校長關係,佢代表住港姐形象,不如馮盈盈咁放得開。

名校畢業生或者唔慣娛樂圈多姿多彩嘅生活,入行之後,麥明詩拍咗唔少電視劇,例如《使徒行者2》、《是咁的,法官閣下》,但係演技卻飽受批評。

都有傳言麥明詩係因為頂唔順網民對佢嘅腌尖要求,所以減少喺幕前演出嘅機會,於是喺舊年佢放棄做「TVB親生女」,改簽一年一show綠葉約,轉行做律師顧問。

轉行做律師冇幾耐,麥明詩就現身《#後生仔傾吓偈》節目,佢就呻話現時收入大幅下降,要七點起身,做咗份呢工先知道打工仔好辛苦。

呢排,更傳出麥明詩唔習慣每日朝九晚五嘅OL通勤生活,主動開口同TVB高層樂小姐表示想要回巢拍戲。

呢個傳聞傳出之後,麥明詩馬上現身回應:「自己好享受做普通人,唔打算回巢,認為自己目前工作充實有意義。」

但否認還否認,麥明詩似乎更加享受成為大眾焦點,佢為咗保持人氣同曝光度,佢連續幾日喺社交網站上曬靚相,先係三點式泳衣相大曬玉背,引得一班網民留言求正面。

之後,麥明詩再曬同昔日對手馮盈盈嘅溫泉相,好似好留戀昔日工作美好回憶。

Like MisshkNews Facebook!不出门也能知天下事~

發佈回覆

你的電郵地址並不會被公開。