前港姐返大陸見婆婆最後一面,我會留喺屋企自我隔離

日前,前港姐朱晨麗(Rebecca)去大陸橫店,拍攝王晶導演新版《倚天屠龍記》,鄉下喺蘇州嘅朱晨麗,都趁住有時間返屋企探望親人。

喺探望親人嘅同時,朱晨麗都爭取時間見最愛嘅婆婆最後一面,雖然新型冠狀病毒肺炎疫情持續蔓延,但朱晨麗覺得親情大過天,不過佢強調返香港之後一定會喺屋企自我隔離。

朱晨麗仲留言話:「天使嚟將你接走咗,我會嘗試習慣堅強,下世我哋仲做一家人,相信喺天堂,我哋會再見到,等我!」,朱晨麗去蘇州送婆婆最後一程,算係冇留遺憾。

網友指出朱晨麗為咗親人堅持北上冒險,冇顧慮自身安全問題!朱晨麗就話:「多謝大家嘅關心,大家唔使擔心我,因為我成個新年都喺蘇州過嘅,我冇出過街,要防護自己,都係保衛他人,祝福大家新年快樂,幸福安康!」

其實朱晨麗喺疫情大爆發前已經返香港,但呢排再度返鄉下奔喪,但佢表示為人為己,返香港之後一定留喺屋企自我隔離。

發表回覆

你的電郵地址並不會被公開。