前港姐離婚半年現身新樓盤,豪擲千萬買樓上車!

前港姐呂慧儀喺今年3月份宣布與前夫黃文迪離婚之前,當時黃文迪被曝與一個短發女子喺巴士親熱,當全世界都喺到議論呢場婚外情之際。

而呂慧儀每日要開工拍劇、仲湊仔兼要面對大批記者圍堵,最後身心疲憊嘅佢選擇宣布離婚消息,令無數網友心酸。

雖然情場失意,但呂慧儀嘅演藝事業近年就發展得越嚟越好,佢憑《愛回家之開心速遞》人氣持續高企,除咗拍劇收入穩定之外,劇集熱播更帶攜佢接咗唔少商演活動,令變成單親媽咪嘅佢可以努力為仔仔揾多啲錢。

據悉,日前呂慧儀畀拍到現身長沙灣某新樓盤銷售處,佢同兩女子同行,齊齊到呢個小區睇示范單位,疑似係諗住買樓同仔仔一齊住。

呂慧儀雖然戴住cap帽,佢哋睇咗一輪示范單位之後,就同嗰個經紀入房傾,前前後後都傾咗一個幾鐘,應該係落咗定金。

呂慧儀物色嘅單位,同佢現時居住嘅地方得7分鐘車程,而當日呢個新樓盤已經有唔少單位成交,明顯係搶手筍盤,據知情人透露,呂慧儀購入嘅係三房戶型單位,大約700呎,約值1千萬港元。

事後,記者致電呂慧儀,希望求證係咪買樓成功上車,不過呂慧儀聽到記者來意之後,明顯唔想講咁多,佢表示:「唔好意思,我喺到開工唔方便回應。」

發表回覆

你的電郵地址並不會被公開。 必要欄位標記為 *