前港姐離婚後開工拍《愛回家》,粉絲留言期待見到佢身影

較早前,前港姐季軍何艷娟與比自己大40年嘅澳博營運總裁吳志誠離婚嘅消息,真系鬧到沸沸揚揚,呢段結婚唔到一年嘅「爺孫戀」都正式玩完。

雖然已經離婚,但何艷娟嘅生活并因此而改變,繼續無憂無慮旅行嘆世界,令人羨慕。

不過喺爆出離婚消息之後,馬上又指何艷娟一早搭上身家逾百億嘅已故著名敎育家陳樹渠嘅長子陳耀璋,兩個人舉止親密。

不過兩個人都例牌出面澄清否認,然而事情真假就得當事人知道啦。

對于好朋友離婚嘅消息,楊埕就表示:「最近冇聯系,我啱啱喺歐洲返嚟,仲未聯絡佢,諗住畀佢休息一下,離婚後都有傾過幾句,佢心情OK。(佢系咪有新戀情?)咁我又冇問,唔清楚。」

儘管已經回復單身,但系何艷娟仍然活得精彩,幾乎一得閑就外出旅行,而喺處境劇《愛回家之開心速遞》中飾演「龍作蜜」嘅佢,喺日前就再次曬出《愛回家之開心速遞》嘅劇照。

睇嚟何艷娟雖然生活悠閑,但仲好鐘意做戲,而這也是佢喺宣布離婚後首次喺社交平臺亮相,唔少網友見到佢再次亮相,都驚訝佢對工作嘅熱誠,更加紛紛留言指,希望可以繼續喺《愛回家開心速遞》中見到佢身影!

1991年出世嘅何艷娟,喺香港大學法律系以三級榮譽畢業,曾經參加《FACE周刊》嘅USTAR大專校花校草大選,兼夾進入到最後十強。

之後佢喺2014年嘅時候再戰香港小姐競選,喺決賽嗰晚狀態大勇嘅佢,成功奪得港姐季軍嘅寶座,順利進入娛樂圈。

不過喺入到TVB之後,何艷娟所飾演嘅角色多數都系一啲配角類型,戲份較少。比如《幕后玩家》、《宮心計2深宮計》、《天命》等。

唔理點樣,希望何艷娟盡快收拾心情,都期待佢喺跟住嘅新劇《丫鬟大聯盟》中嘅精彩演出,唔知到時佢又會畀我哋帶嚟點唔同嘅表演呢?大家拭目以待!

發表回覆

你的電郵地址並不會被公開。 必要欄位標記為 *